એશિયા કપ 2022 માંથી બહાર થયા બાદ તૂટી ગયું કેએલ રાહુલનું દિલ, બધાની સામે વ્યક્ત કર્યું પોતાનું દર્દ…

રમત ગમત

દોસ્તો ટીમ ઈન્ડિયાએ એશિયા કપ 2022નો અંત જીત સાથે કર્યો. એશિયા કપમાંથી સુપર ફોર સ્ટેજમાંથી બહાર થઈ ગયેલી ભારતીય ટીમ માટે આવતા મહિને યોજાનારા ટી-20 વર્લ્ડ કપ પહેલા આ જીત ઘણી મહત્વની છે. ટીમ ઈન્ડિયા એશિયા કપ 2022નો ખિતાબ જીતવાની મોટી દાવેદાર હતી, પરંતુ તે ફાઈનલ પહેલા આઉટ થઈ ગઈ હતી. છેલ્લી મેચમાં અફઘાનિસ્તાનને હરાવ્યા બાદ કેએલ રાહુલે મોટું નિવેદન આપ્યું અને આ ટૂર્નામેન્ટમાંથી શીખવાની વાત કરી હતી.

અફઘાનિસ્તાન સામે રમાયેલી મેચમાં રોહિત શર્માની જગ્યાએ કેએલ રાહુલને ટીમ ઈન્ડિયાનો કેપ્ટન બનાવવામાં આવ્યો હતો. કેએલ રાહુલની કપ્તાનીમાં ટીમે મોટી જીત નોંધાવી હતી. કેએલ રાહુલે મેચ બાદ કહ્યું, ‘પરિણામ નિરાશાજનક રહ્યું છે. આદર્શરીતે અમે ફાઇનલ રમીને પોતાને પડકારવા માગતા હતા. અમે આ ટૂર્નામેન્ટમાં ફાઈનલ રમવા માગતા હતા અને મોટી ટૂર્નામેન્ટ જીતવા માગતા હતા, પરંતુ તે અમને અનુકૂળ ન આવ્યું.

કેએલ રાહુલે વધુમાં કહ્યું, ‘અમે સકારાત્મકતા લઈએ છીએ. અમને પડકાર આપવામાં આવ્યો છે અને હવે બેસીને વિચાર કરવાનો સમય આવી ગયો છે. હારવું એ મહાન નથી પરંતુ કેટલીકવાર તમારે આ પ્રવાસમાં ભાગ લેવો પડે છે, અમારો અભિગમ T20 વર્લ્ડ કપ છે અને આશા છે કે શીખવાથી અમને T20 વર્લ્ડ કપ માટે મદદ મળશે.

આ મેચમાં અફઘાનિસ્તાને ટોસ જીતીને પ્રથમ બોલિંગ કરવાનો નિર્ણય કર્યો હતો. 20 ઓવર બાદ ટીમે 2 વિકેટ ગુમાવીને 212 રન બનાવ્યા હતા. અફઘાનિસ્તાનને આ મેચ જીતવા માટે 213 રનની જરૂર હતી, પરંતુ અફઘાનિસ્તાનની ટીમ 8 વિકેટના નુકસાન પર 111 રન જ બનાવી શકી હતી. આ મેચમાં ટીમ ઈન્ડિયાની જીતનો હીરો વિરાટ કોહલી હતો. તેણે આ મેચમાં 61 બોલમાં 122 રનની ઇનિંગ રમી હતી. આ ઇનિંગમાં તેણે 12 ફોર અને 6 સિક્સર ફટકારી હતી. બીજી તરફ ભુવનેશ્વર કુમાર સૌથી સફળ બોલર રહ્યો હતો. તેણે 4 ઓવરમાં 4 રન આપીને 5 વિકેટ ઝડપી હતી.